Hvað varð af sumrinu?

Já það er alveg ótrúlegt hvað tíminn líður hratt. Sumarið búið og skólinn byrjaður aftur, en fyrsti skóladagurinn var í dag. Ég er komin í nýjan hóp og líst bara mjög vel á þetta, allavegana hingað til. Helgin hjá okkur var alveg yndisleg, við buðum vinum okkar í mat á laugardaginn. Það var mikið borðað og drukkið, og svo var að spila playstation. En hérna var mikil keppni fram á morgunn. En við skemmtum okkur nú bara nokkuð vel. Þynkan lét aðeins vita af sér hérna í gær, en samt ekkert rosalega mikið. En gærdagurinn fór bara í að kúra á sófanum, horfa á video og borða. Ég er nefnilega það skrítin að þegar ég er þunn þá borða ég stanslaust.

Núna er bara vika í Nice ferðina okkar og ég get varla beðið. Ef veðrið heldur sér verður 30 stiga hiti og sól. En ég verð að taka lærdóminn með mér til Frakklands í þetta skiptið þar sem við eigum að skila inn verkefni um miðjan september. En það ætti nú að reddast.

Knús og kossar

Kolla Skólastelpa

Athugasemdir

[Margrét M, 20.8.2007 kl. 13:58]

gangi þér vel í skólanum ...

[Solla Guðjóns, 20.8.2007 kl. 14:20]

OOOOO svo gaman að leika,skvetta smá í sig  og hafa gaman af lífinu........borða svo bara vel daginn eftir

Gangi þér vel Kolla mín.

[Jórunn Sigurbergsdóttir , 20.8.2007 kl. 16:17]

Góða ferð til Nice og gangi þér líka vel í skólanum.

[Kristbjorg (IP-tala skráð) 20.8.2007 kl. 22:13]

Hæ litla gangi þér vel í skólanum og góða ferð í sólina.

[Sigrún Friðriksdóttir, 21.8.2007 kl. 17:42]

Sumarið kom ekki hingað í ár en það verður bara þeim mun betra næsta ár Gangi þér vel með skólastartið skvísa og njóttu þín í Nice.

Klemssss