Dagbokin hennar Kollu

Skrapp í smá ferðalag

Upprunalega var planið að kíkja á klakann en svo varð ekki. Í staðinn þá ákvað ég að kíkja á karlinn minn en hann er að vinna núna. En það er gott að slappa af í Eidsvoll, svo vissi ég líka að tendó ætti fult af góðum bókum fyrir verkefnið sem ég er byrjuð á núna. Tounge . Tengdó eru farin í hjólhýsið sitt í Svíþjóð þannig að ég hef húsið út af fyrir mig, ekki slæmt. En það er altaf gott að breyta aðeins um umhverfi. Það er voða gott veður hérna núna, en spáð grenjandi rigningu á morgunn en rosa góðu veðri fram á þriðjudag. Það passar mjög fínt þar sem ég ætla mér heim á mánudagskvöldið Devil .

Við Jósep vorum að tala um mikilvægt mál í dag, nefnilega Bachelor verkefnið. Við verðum að vera minst 4 í hóp, og þurfum að sækja sérstaklega um að skrifa það ein. Ég veit um 3 stelpur sem ég vinn rosalega vel með og okkur kemur mjög vel saman, vandamálið er að þær búa í Haugesund, en það er altaf hægt að redda því einhvernmeginn. En við eigum líklega eftir að enda saman í hóp og skrifa þetta verkefni saman. Annars er ég líka farin að spá ansi mikið í hvað mig langar til að skrifa um í því verkefni, en þetta er spennandi.

Tíminn líður hratt og það er bara 1 ár þar til ég er mentaður þroskaþjálfi. Annars er ég mikið að spá í að menta mig áfram og planið er að tala við námsráðgjafa í skólanum fljótlega og athuga hvaða möguleika ég hef, ég er svo svakalega heppin að eiga mann sem finst bara alt í lagi að sjá fyrir mér Smile . Það er mikið spennandi sem ég get unnið við, en mig langar til að auka valmöguleikana aðeins meira. Og það er best að klára það bara straks.

Skólinn sendi okkur á námskeið sem heitir ART - trener námskeið. En það er verið að þjálfa okkur í að geta haldið ART námskeið fyrir börn og unglinga. Þetta er rosalega sniðugt og ég veit að það er búð að kenna þetta á Íslandi líka, einn af kennuronum mínum var sko búin að vera á klakanum. Og fór auðvitað að spyrja hvort að ég þekti ekki þetta fólk og ettta þarna fólk:0). En aftur að námskeiðinu, þarna er verið að kenna börnum og unglingum hitt og þetta eins og að hafa stjórn á reiði sinni, að nota orð til að tjá sig og svo siðfræði, móral og svoleiðis. Þetta er alveg rosalega sniðugt og mig hlakkar rosalega til að fara að halda námskeið.

Bless í bili

Flokkur: Bloggar | Fimmtudagur, 1. maí 2008 | Facebook

Athugasemdir

Gott að þú ert hjá kallinum og búin að senda tengdó í hjólhýsið

Rosalega er all spennandi að gerast hjá þér.

Mjög áhugavert þetta með Art ég hef ekki heyrt minnst á þetta námskeið hér.Spennandi fyrir þig að fara að halda svona námskeið með unglingumUnglingar eru svo indislegir en kunna ekki alltaf að hemja hormónaflæðið eða hvað við viljum kalla þetta

Risa knús á þig duglega stelpa.